Με στίχους απο τον ιδιαίτερα αγαπητό στην περιοχή μας Ηλία Υφαντίδη σας ευχόμαστε ΚΑΛΗ ΣΑΡΑΚΟΣΤΗ !

Οσήμερον Σαρακοστή
τον κουκαράν κρεμάστεν
τη Παναΐας το καντήλ’
καθημερ’νά ανάψτεν.

Συγχώρεσην δώστεν
συγχώρεσην επάρτεν
ασ’ σοι μειζετέρτς κι ασ’ σοι μικρούς
την κακίαν τζιζιλάψτεν.

Θυμίαμαν δώστεν ’ς σον Χριστόν
και ’ς σον Θεόν την προσευχήν
ο εις τον άλλον έναν χαμόγελον
έναν γλυκύν καλατζήν.

Συγχωρέστε με αδέλφια μου
από καρδίας συγχωρέστεν
κι όντες έρται η Λαμπρή
τα γιορτινά φορέστεν!

Ηλίας Υφαντίδης

(Σκίτσο του Χρήστου Γ. Δημάρχου από την έκδοση «Ο ελληνικός Πόντος – Μορφές και εικόνες ζωής», Αθήνα 1947)